Na semana da Folga Mundial polo Clima, o CM Barbanza insta a mellorar as prácticas en relación aos residuos
Desde o Complexo Medioambiental do Barbanza tamén queremos ser partícipes e contribuir na defensa do noso planeta e do medioambiente. De aí a importancia de lembrar o impacto e a influencia do transporte e o tratamento dos residuos nas emisións de gases de efecto invernadoiro (GEI), e facemos un chamamento para aplicar as mellores prácticas para reducir estes efectos. Prácticas como a prevención de residuos, a compostaxe e a reciclaxe implican grandes aforros de emisións de gases de GEI responsables do quecemento global.